Languages

MANIFESTO

Benvidos/as a un espazo común onde compartir ideas, información, sabedoría, sentimentos, pensamentos.

Jeune Europe non é só un nome. É unha luz tenue, un sendeiro que seguimos partindo dun pasado europeo que tivo lugar no século XIX, cheo de cambios e axitación. “La Jeune Europe” foi un grupo de intelectuais provenientes de distintos países europeos constituido segundo os ideais de Giuseppe Mazzini “construír xuntos unha Europa da xente”.

O espírito do noso proxecto é o de crearmos un espazo común para xente de orixes e campos de estudo diversos co obxectivo holístico de progresar mediante o intercambio. Cen anos despois da Primeira Guerra Mundial, que enfrontou ós xoves europeos os uns contra os outros, e 30 anos despois do nacemento do proxecto Erasmus que creou novos vínculos entre a xuventude europea, hoxe temos ante nós o reto de desenvolver, mediante unha completa integración, unha Europa que sirva de referente ó resto do mundo.

Hoxe en día a discusión sobre as fronteiras e a mestura cultural están presentes e son precisas. Fundamos un contexto familiar europeo con xente proveniente de diferentes lugares do mundo falando da localización física, mesmo se a tecnoloxía permitiunos ir moito máis alá para compartir coñecementos, aportar contribucións e valores para construír unha nova, maior e máis forte Europa con base no progreso individual e colectivo. Polo tanto cada visitante terá a oportunidade de tomar e compartir os seus coñecementos contactando cos autores. Ó considerarmos a calidade dos seus contidos un elemento primordial deste blog, os artigos serán avaliados antes de seren publicados.

Do mesmo xeito que o obxectivo deste blog é obter o mellor mediante o intercambio, o seu contido inclúe todo tipo de temáticas, unha especial énfase nos temas europeos. Aínda e así a contribución de países non europeos é importante para ter visión de Europa dende o exterior.

Coma nova xeración que somos teremos que nos enfrontar ós retos que o futuro nos depara. Algunhas sendas, coma a construción de la paz en Europa, xa foron iniciadas e é a nosa tarefa protexe-lo que se fixo até o momento. Outras, coma o cambio climático, recaen sobre nós.

“Jeune Europe” é un xeito de coñecernos mutuamente coma europeos, para medrar xuntos, reducir as distancias entre nós, facer coñecer ó mundo quen somos e que podemos facer polo futuro global. A nosa responsabilidade é a de toma-lo mellor do noso pasado e face-lo mellor no presente para construír un futuro mellor.

Nós, Europa, podemos facelo.

 

Translated by Tomás Rodriguez

Facebook
Twitter
LinkedIn
WhatsApp
Email
 © Jeuneurope 2020
 © Jeuneurope 2020

Headline

Never Miss A Story

Get our Weekly recap with the latest news, articles and resources.
Cookie policy
We use our own and third party cookies to allow us to understand how the site is used and to support our marketing campaigns.

Hot daily news right into your inbox.